Гісторыя Hattrick'у

Сэзон 81 (4 красавіка 2022)

Выпускаецца новы набор місій, арыентаваных на каманды, у якіх не было прагрэсу на працягу многіх сезонаў. Цяпер вы можаце далучыцца да дадатковага мясцовага кола. Навядзеньне курсора на спасылку гульца на форуме цяпер дазваляе праверыць імя, узрост, уладальніка і г.д., не пакідаючы старонку, на якой вы знаходзіцеся. Мы таксама дадалі пашыраны рэжым асноўных момантаў для старонкі справаздачы матчу.

Планіроўшчык трэніровак атрымлівае абнаўленьне, у якім цяпер сярод іншых вы можаце ствараць некалькі плянаў трэніровак. Цяпер мы раскрываем сямейныя сувязі ў Hattrick і паказваем для кожнага новага гульца, ці звязаны яны зь іншымі, магчыма, вядомымі пэрсанажамі Hattrick.

Цяпер гульцы таксама могуць атрымліваць трафеі, калі ўдзельнічалі ў тым, каб іх каманда стала чэмпіёнам. Былі абмеркаваны лепшыя ўзнагароды спонсараў, каб прапанаваць лепшы балянс рызыкі і ўзнагароды.

Сэзон 80 (13 снежня 2021 г.)

Камэнтатары матчаў прыходзяць лепш падрыхтаванымі да сустрэчаў, дзелячыся большай інфармацыяй аб гульцах, камандах і папярэдніх гульнях. Ніколі не бывае дастаткова дасягненьняў, таму мы дадалі іх крышачаку яшчэ.

Уводзіцца ў эксплюатацыю новы сервер базы дадзеных, што азначае больш месца для захоўваньня, больш магутнасьці для вылічэньняў і г.д., што дае нам больш магчымасьцей рабіць тое, што мы хацелі б у будучыні. З «Пераважнай серыяй» вы можаце выбраць свой пераважны шлях у сыстэме ліг Hattrick, незалежна ад таго, ідзе ён уверх, уніз ці нават калі вы топчыціся на тым жа ўзроўні лігі.

Мы абнавілі нашу старонку загадаў на гульню новымі функцыямі і зрабілі яе больш хуткай, палепшыўшы час загрузкі і хуткасьць рэагаваньня. Дзякуючы лепшай інтэграцыі стадыёна, сярод іншага, стадыёнкаманды-гаспадара выкарыстоўваецца ў якасці фону для матчаў, а таксама цяпер вы можаце выбраць шаблон для свайго поля.

Абноўлены старонкі гульцоў, што палягчае доступ да ключавой інфармацыі пра іх. Таксама паказваецца дадатковая інфармацыя, такая як траўмы, чырвоныя карткі і галы.

Сэзон 79 (23 жніўня 2021 г.)

Гэты сэзон мы пачынаем з абмежаванай лігі «Apache League», дзе каманды-ўдзельніцы на працягу шасці сэзонаў спрабуюць дасягнуць вяршыні. Выпускаецца некалькі паляпшэньняў для прыкладаньняў, такіх як пошук па форумах, галы і ліміт гульцоў і многае іншае.

Федэрацыі нацыянальных зборных цяпер адкрыты для ўсіх, уключаючы карыстальнікаў, якія не зьяўляюцца ўладальнікамі падпіскі Supporter. Цяпер вы можаце мець асобны дызайн кашулі для вашых брамнікаў. Мы таксама дадалі больш дасягненьняў для вас.

Тактыкі матчу «Прэсінг», «Атака па флянгах» і «Атака па цэнтры» зьведалі некаторыя зьмены, каб збалянсаваць гэтыя тры тактыкі з усімі іншымі даступнымі тактыкамі ў Hattrick. З гэтага моманту вы можаце прымаць місіі, якія могуць быць запушчаны ў пэўныя моманты вашай кар'еры Hattrick і ставіць вам дадатковыя мэты для дасягненьня.

Новы Дызайнер Стадыёна паяўляецца таксама ў нашым мабільным прыкладаньні разам зь некаторымі невялікімі паляпшэньнямі. Каб пазьбегнуць абыходу лімітаў выдаткаў Рады Рэзэрваў, Рада можа прыняць рашэньне захоўваць наяўныя грошы ў рэзэрвах для некаторых прададзеных гульцоў «Залатога злітка», якія ня часта гулялі за ваш клюб.

Перад пачаткам кожнага новага сезону вы можаце выбраць спонсара з пяці прапаноў і атрымаць цікавыя вам варыянты ў залежнасьці ад таго, наколькі вы гатовыя пайсьці на рызыку.

Сэзон 78 (3 траўня 2021)

З Лакальнымі Сэктарамі вы зараз можаце размаўляць і гуляць дуэлі з іншымі мэнэджэрамі, якія знаходзяцца ў тым жа рэгіёне. Цяпер падначаленыя могуць разам са сваімі настаўнікамі карыстацца чатам, знаёмячыся з гульнёй.

Палепшаны інструмэнт рэдактара Стадыяна вяртаецца пасьля таго, як некаторы час быў недаступны з-за адмовы ад флэш. Мы таксама дадалі цэлую кучу новай статыстыкі і адпаведных функцый.

Той, хто любіць дасягненьні, песьціцца мноствам новых дасягненьняў, у якія можна ўпіцца зубамі. Акрамя некалькіх паляпшэнняў новага Дызайнера гульнявых форм, мы таксама зрабілі яго даступным для карыстальнікаў нашага прыкладаньня.

77 сэзон (11 студзеня 2021 г.)

Мы пачынаем з новай сістэмы Кубка Сьвету, якая мае больш гнуткі фармат, які дазваляе спаборнічаць усім 144 краінам. Мы таксама прадстаўляем новыя кантынентальныя чэмпіянаты для Еўропы, Афрыкі, Амерыкі і Азіі-Акіяніі.

Мы прадстаўляем новы фармат турніру, у якім параза не азначае неадкладнае выбыванне з турніру. Удасканалены сімулятар складу дазваляе мадэляваць надвор'е, месца правядзення, камандны лад і ўпэўненасць у камандзе з дапамогай карыстацкага складу па вашым выбары.

Нарэшце з'явіўся новы дызайнер камплектаў, пасля таго як некалькі месяцаў таму нам прыйшлося развітацца з Flash. Мы дадалі чат-партал, які павінен даць вам значна лепшы агляд чатаў, у якіх вы ўдзельнічаеце.

На старонцы матчаў зараз адлюстроўваецца графік, які паказвае адносныя пазіцыі ўсіх каманд у серыі на працягу ўсяго сэзона, а таксама інтэрактыўная крос-табліца, у якой вы праглядаеце вынікі хатніх і выязных матчаў любой дадзенай каманды ў параўнанні з любой іншай камандай. Мы таксама выпусцілі новую старонку агляду дасягненняў.

76 сэзон (21 верасня 2020 г.)

У гэтым сезоне да сям'і Hattrick далучаюцца М'янма, Замбія, Сан-Марына, Пуэрта-Рыка і Гаіці. Некаторыя змены ў прэзентацыі, якія тычацца трэніроўкі, бачаць свет.

Наша прыкладанне атрымлівае буйное абнаўленне, у якім многія функцыі з сайта зараз таксама ўключаны ў прыкладанне. Цяпер вы можаце ствараць турніры і запрашаць каманды. Вы можаце ўбачыць развіццё здольнасцяў, гісторыю заробкаў і траўмаў, а таксама памятныя падзеі вашых гульцоў. І тады мы згадалі толькі частку таго, што было дададзена.

Старонка Сусьвет атрымлівае капітальны рамонт. Мы таксама дадалі новую дыяграму на старонку "Гісторыя клюба", якая паказвае прагрэс (або яго адсутнасць…) вашай каманды ў лізе і кубку за сэзоны.

Сэзон 75 (1 чэрвеня 2020)

Беліз, Батсвана, Мадагаскар, Сэнт-Вінсэнт і Грэнадзіны - мы вітаем 4 новых лігі ў Hattrick. Мы ўнеслі некалькі карысных змен у трэніроўкі разам са старонкай гісторыі трэніровак, дзе можна ўбачыць, што каманда трэніравала ў пэўны момант часу.

Дададзена настройка для паядынкаў і турніраў, якая дазваляе прайграваць іх у 3 ці 6 разоў хутчэй. Дызайн Hattrick пашыраецца, даючы больш месца на экране. І на некаторых старонках дададзена новая функцыянальнасць, напрыклад, абноўленыя старонкі лігі і пошуку трансфераў.

Сэзон 74 (10 лютага 2020)

Статус у кубку, траўміраваныя ці прапускалыя матч гульцы, каментатары матча даюць лепшы агляд падзей гульні. А з планавальнікам трэніровак Вы можаце ствараць трэніровачныя планы, дзе, акрамя ўсяго іншага, можаце ацэньваць узроўні здольнасцяў і зарплату гульцоў пры пэўнай трэніроўцы.

Абноўлены каляндар Асабістага кабінета дае лепшы агляд важных бягучых падзей і падзей наступных тыдняў. Мы крыху дапрацавалі "карткі паведамленняў" у асабістым кабінеце, у якіх вашыя супрацоўнікі паведамляюць важныя навіны аб камандзе і гульцах.

Рэйтынг моцы - новы спосаб вымераць выступы Вашай каманды ў параўнанні з рэйтынгамі ліній і зоркамі гульцоў. Ён вылічаецца на аснове найлепшых сямі з апошніх 14 афіцыйных матчаў. Таксама абнаўленні закранулі нацыянальныя зборныя, напрыклад, памочнікі трэнера зараз могуць прызначаць таварыскія матчы.

Вы можаце зараз ствараць свае ўласныя турніры. Новы дызайн старонкі падрыхтоўкі да матчу стаў больш падобны да дызайну жывой трансляцыі. Каманды-боты сталі мацнейшымі, вобразна кажучы, у іх з'явіліся зубы.

Сэзон 73 (21 Кастрычніка 2019)

Эфіопія і Конга - чарговыя дзве краіны, якія далучыліся да Hattrick. Удзельнічаючы ў Бітве Дывізіён, Вы зараз можаце спаборнічаць з іншымі дывізіёнамі, каб вызначыць мацнейшага на Вашым узроўне.

Табліца лігі атрымала новы дызайн. Стала магчыма спрабаваць у сімулятары расстаноўкі, як новы гулец упішацца ў каманду, перш чым купляць яго. Пры згодзе абодвух удзельнікаў, можна запускаць хуткі старт для лесьвіц і паядынкаў.

Каментатары сталі даваць больш інфармацыі, так як ім не хочацца, каб гледачы засыпалі, калі на поле нічога не адбываецца. Ёсць тыя, каму не падабаецца цёмны рэжым у дадатку? Гэта не мы!

Мы прывялі ў парадак асабісты кабінет, каб важную інфармацыю было прасцей знайсці. Скаўты зборных сталі гуляць больш важную ролю, а новы механізм адсочвання перспектыўных гульцоў зрабіў прасцей пошук талентаў.

Сэзон 72 (1 Ліпеня 2019 г.)

Некалькі функцый дададзена ў прыкладаньне - падтрымка таварыскіх матчаў для юнацкіх каманд і магчымасць глядзець матчы зборных. Таксама варта адзначыць палепшаны інтэрфейс загадаў на матч.

З 5 да 10% павялічана мінімальная трэніроўка трываласьці. Атрымалі прызнанне настаўнікі, якія дапамагаюць карыстальнікам пачаць гульню. І дададзены новыя магчымасці Gears - перспектыўныя трансферы і дадатковая аўтастаўка.

Для зборных дададзена старонка трэніровак і памочнікаў трэнераў. З прыкладання сталі даступныя поўныя правілы. З'явілася опцыя папярэдняга прагляду паведамленняў у пошту і на форум. Вельмі зручна, асабліва пры выкарыстанні спецыяльнага фарматавання.

Сэзон 71 (11 Сакавіка 2019)

Старонка Кубка і старонка справаздачы аб матчы значна перароблены. У дадатак да звычайнага ўваходу і ўваходу праз Facebook, цяпер можна ўваходзіць з дапамогай акаўнта Google.

Сэзон 70 (19 Лістапада 2018)

Упершыню за 7 гадоў у Hattrick дададзены новыя краіны! Каморскія выспы, Кюрасао, Шры Ланка, Гуам, Сан Томе і Прынсэп з'явіліся на карце Hattrick. Дададзена шмат новых функцый - для юнацкіх акадэмій, статыстыкі, Кубкаў і інш. І галоўнае, вялікае паляпшэнне зведала старонка загадаў на матч - яна стала больш хуткай, разумнай і зручнай у выкарыстанні.

Сэзон 69 (30 Ліпеня 2018)

Hattrick выйшаў на мабільных прыладах! Пасля гучнага рэлізу мабільных прыкладанняў карыстальнікі могуць узяць Hattrick з сабой куды заўгодна! Пасля рэлізу распрацоўнікі заняліся вэб-версія; з'явіліся дуэлі, абнавіліся старонкі параўнання трансфераў, адсочванне трансфераў, каманда тыдня і інш.

Сэзон 68 (9 Красавіка 2018)

Распрацоўшчыкі засяродзіліся над мабільнымі прыкладаннямі, таму ў гэтым сэзоне нічога асаблівага не адбылося.

Сэзон 67 (16 Сьнежня 2017)

Праведзены конкурс дызайнаў сярод карыстальнікаў: мы атрымалі шмат ідэй для будучыні дызайну. Пераможцы конкурсу прайшлі ў другі этап, у якім прапанавалі новыя канцэпцыі дызайну, якія натхнілі распрацоўнікаў у далейшым на развіццё гульні.

Сэзон 66 (28 Жніўня 2017)

Вялікія навіны на ніве Турніраў - у гульні з'явіліся Кубкі Пакаленняў, міжнародныя спаборніцтвы, дзе сустракаюцца карыстальнікі, зарэгістраваныя ў Hattrick прыкладна ў адзін час. Абноўлена старонка трэніроўкі - цяпер яна ўтрымлівае больш карысных функцыі і інфармацыю аб трэніроўцы.

Сэзон 65 (8 Мая 2017)

Мы палепшылі сістэму чатаў. Зараз іх прасцей знаходзіць, чытаць і кідацца з аднаго на іншы падчас матчаў.

З'явілася новая старонка загадаў на матч, якая адрозніваецца не толькі дызайнам, але і вялікай колькасцю наватарскіх функцый. Напрыклад, на лаўцы запасных зараз 7 пазіцый, што пашырае магчымасці кіравання камандай.

Сэзон 64 (16 Студзеня 2017)

Hattrick International дае Вам магчымасць спаборнічаць з мэнэджэрамі ва ўсім свеце. А яшчэ, улічваючы тое, што гэта асобная новая ліга, будзе цікава паглядзець, хто стане першым чэмпіёнам праз 6 сэзонаў.

Траўмы зараз сталі разнастайней, так як цяпер яны ўплываюць на пэўную частку цела. Ацэнкі аднаўлення пасля траўмаў сталі больш дакладнымі. Цяпер можна аналізаваць Простыя матчы, а ў сродак Аналізу Каманды дададзены новыя функцыі.

Галасы падпісчыкаў Supporter ўзроўню Platinum і Diamond прывялі да ўвасаблення ідэі напаміналкі пра гатоўнасць юнага гульца перайсці ў асноўную каманду.

Сэзон 63 (26 Верасня 2016)

Старонка "Аналіз супернікаў" зведала істотныя змены і зараз дазваляе аналізаваць Вашу ўласную каманду (падпісчыкі Supporter могуць таксама праглядаць дадзеныя па гульцам). Функцыя "перайграць матч" даступная за Крэдыты для не-падпісчыкаў.

Паведамлення ў браўзэры апынуліся карыснымі для тых, хто займаецца чымсьці яшчэ, але не хоча прапусціць важныя падзеі ў іх матчах. Мы абнавілі старонкі Нацыянальных ліг, дадаўшы туды цікавую статыстыку і інфармацыю аб дзеючых чэмпіёнах і уладальніках кубка.

Шмат змен тычылася юнацкіх каманд - зараз вынікі трэніроўкі даступныя адразу пасля матчу, а скаўты больш не будуць прапаноўваць 17-гадовых юнакоў. Няма акадэміі? Тады Вам цікава ведаць, што з сеткі спортшкол больш не будуць выпускацца 19-гадовыя гульцы.

Сэзон 62 (6 Чэрвеня 2016)

Мы прадставілі новы Live-прагляднік матчаў, які цалкам перазапусціць саму ідэю прагляду матчаў у Hattrick анлайн. У трансляцыю дададзена шмат разнастайнай статыстыкі, суддзя стаў прызначаць дадатковы час, а карыстальнікі атрымалі магчымасць абмеркаваць перыпетыі матчу з апанентам і супернікамі па лізе ў чаце.

Новая старонка "Аналіз супернікаў" дазваляе хутка атрымаць і прааналізаваць дадзеныя аб папярэдніх матчах наступных супернікаў.

Сэзон 61 (15 Лютага 2016)

Зараз адлюстроўваюцца ўзроўні больш за "боска". Палепшаная сістэма настаўніцтва. Яна стала зручней як для настаўнікаў, так і для пачаткоўцаў.

Сэзон 60 (26 Кастрачніка 2015)

У гэтым сэзоне мы абнавілі сістэму персаналу - цяпер работнікі клюба сталі атрымліваць кантракты. А яшчэ мы ўвялі трэнера па тактыцы і прыбралі іміджмейкераў.

Нарэшце мы адвязаліся ад часу HT - стала магчымым выбраць Вашу часовую зону і бачыць час падзей згодна мясцоваму часу і не трымаць у галаве розніцу з цэнтральнаеўрапейскім часам.

Сезон 59 (6 ліпеня 2015)

Стане прасцей аналізаваць матчы, бо мы ўвялі адмысловую інфаграфіку на старонцы матчавай справаздачы, якая адлюстроўвае рэальнае размеркаванне шанцаў па розных накірунках атакі. Мы прадаставілі сімулятар расстаноўкі, які дазваляе "пагуляцца" з рэйтынгамі і расстаноўкай сваёй каманды без прывязкі да канкрэтнага матча.

У наш 18-ы дзень народзінаў мы ўвялі статыстыку па заробках усіх гульцоў і асобную статыстыку па галах за цяперашні клуб. Таксама цяпер можна ствараць турніры на 32 і 64 каманды.

Мы ганарымся, што інданэзійская стала яшчэ адной мовай Hattrick. Мы распрацавалі чат для мабільных прыкладанняў, цяпер можна размаўляць з калегамі па федэрыцыі і салігаўцамі, а таксама абмяркоўваць матчы ўжывую з апанентамі.

Сезон 58 (16 сакавіка 2015)

Упэўненасць стала больш прадказальнай, рэзкія скачкі будуць больш рэдкімі. Выпраўлена страта трэніроўкі, калі каманда пацярпела тэхнічную паразу - усе гульцы, якія згулялі ў іншым матчы на тыдні, атрымаюць трэніроўку. Дарэчы, цяпер серыя пасляматчавых пенальці будзе ісці ў трансляцыі толькі некалькі хвілін, а не да 20, як раней.

Падпісанты Supporter могуць наймаць гульцоў з Залі Гонару ў якасці скаўтаў юніёраў, трэнераў юніёраў і любых спецыялістаў у клюбе. Як шмат хто прасіў, мы дадалі ў мабільныя прыкладанні форумы і ХТ-пошту.

Шмат гадоў карыстальнікі прапаноўвалі нам розныя варыянты, як дапамагчы пачаткоўцам разабрацца ў гульні. Цяпер мы радыя прапанаваць адмысловую праграму настаўніцтва, дзе дасведчаныя карыстальнікі могуць растлумачыць пачаткоўцам, што варта рабіць, а што не варта.

У міжсезонні пройдзе першы эксклюзіўны турнір для ўладальнікаў Supporter. Ён будзе больш інтэнсіўны за звычайныя кубкі, міжнародным і дасць карыстальнікам масу новых адчуванняў і нават крыху прызоў.

Сезон 57 (24 лістапада 2014)

Мы радыя прэзентаваць новыя мабільны сайт і прыкладанні для iPhone і Android. Мы ўпэўненыя, што гэта будзе зручна ўсім, хто лічыць, што інтэрнэт заўсёды павінны быць у кішэні.

Падпісанты Supporter атрымалі магчымасць дадаваць цікавых ім карыстальнікаў у асобны спіс. Адчыненыя Турніры дазваляюць далучыцца да любога даступнага турніру без неабходнасці атрымліваць запрашэнне.

Сезон 56 (4 жніўня 2014)

Мы цалкам змянілі сістэму Кубкаў, каб дазволіць большай колькасці каманд удзельнічаць у афіцыйных кубкавых матчах. Дадаткова мы ўвялі Кубкі Дывізіёнаў для каманд з ніжэйшых ліг. У той жа час, мы павялічылі прызавыя на пачатковых этапах Кубкаў.

Амерыканская англійская стала 55-ай мовай Hattrick.

Сезон 55 (14 красавіка 2014)

У гэтым сезоне была запушчаная доўгачаканая новая сістэма персаналу, якая зрабіла кадравыя рашэнні больш важнымі і цікавымі.

Мы ўбачылі змяненне сістэмы пераходаў для ніжэйшых дывізіёнаў з большай колькасцю пераходных матчаў, каб падвысіць значнасць матчаў напрацягу сезона. Таксама былі павялічаныя прызавыя выплаты.

З'явілася магчымасць удзельнічаць у некалькіх турнірах адначасова. Вы атрымалі магчымасць убачыць гісторыю траўм Вашых гульцоў. А з дапамогай сеткі HT мэнэджэры цяпер могуць адсочваць поспехі каманд сваіх сяброў.

Мы дадалі новыя прадукты Gears, а менавіта магчымасць змены імён гульцоў і дадання ўнікальных падзей у матчавыя справаздачы. А калі і гэтага недастаткова, мы ў вялі міжсезонныя таварыскія матчы, так што матчы Hattrick праходзяць кожныя выходныя, калі, вядома ж, Вы не забыліся іх прызначыць.

Diamond - новы тып падпіскі Supporter, з якой можна выкарыстоўваць усе магчымасці Gears без дадатковай аплаты. Таксама яна ўключае функцыю рандометр - яна пакажа вынікі 10 паўторных сімуляцый матча.

Сезон 54 (23 снежня 2013)

Новыы разлік трэніроўкі дапамагае нашым падпісчыкам Supporter ацэньваць, колькі яшчэ трэніровак патрэбна гульцам для атрымання наступнага ўзроўню здольнасці.

Дзякуючы лепшае падтрымцы CHPP-прыкладанняў незалежныя распрацоўнікі цяпер могуць ствараць новыя, больш цікавыя прыкладанні з недасяжнымі раней функцыямі.

Упершыню форумы Hattrick змаглі ўбачыць карыстальнікі, якія не гуляюць у Hattrick. Мы ўвялі ладэры для федэрацый. Потым уладальнікі Supporter атрымалі функцыю "Жывыя рэйтынгі" - магчымасць глядзець на змяненне рэйтынгаў каманды падчас матчаў.

І напрыканцы сезону было аб'яўлена пра фінансавы Fair Play для таго, каб выраўняць умовы ў розных краінах Hattrick.

Сэзон 53 (2 верасьня 2013)

Праз доўгі час Hattrick нарэшце развітваецца з правілам "залатога голу". Гэта пажаданне супольнасці перамагло ў юбілейным галасаванні. Дзякуючы таму ж галасаванню, Вы цяпер можаце праглядаць, рэдагаваць і выдаляць загады па-змаўчанні.

Каманды юніёраў больш не робяць перапынку ў сваім сезоне на час міжсезоння асноўных каманд.

Сэзон 52 (13 траўня 2013)

Ляддэры - альтэрнатыўныя спаборніцтвы з хуткім разьвіцьцём падзей, для тых, каму хочацца больш уражаньняў, новых выклікаў або проста прыняць удзел у вясёлых і прывабных спаборніцтвах. Азербайджанская стала 54-й мовай Hattrick. Створана старонка стану ўліковага запісу, як частка нашай працы над стварэньнем больш дружалюбнага інтэрфэйсу Hattrick.

З-за фінансавых цяжкасьцяў Zattika прадала Hattrick назад старым уладальнікам. Hattrick працягвае развівацца на радасьць шматлікім, аднак на жаль, мы былі вымушаныя разьвітацца зь некаторымі добра вядомымі і шаноўнымі калегамі, як, напрыклад, HT-Klas і HT-Tjecken.

Сэзон 51 (21 студзеня 2013)

Маючы магчымасьць падзяліцца вынікамі сваіх матчаў зь сябрамі праз сацыяльныя сеткі, вы можаце распавесьці аб сваёй бліскучай перамозе, ці несправядлівай паразе.

З гэтага часу Hattrick Supporter не адзін прадукт, а цэлых тры: Platinum, Gold і Silver. Ўведзеныя індывідуальныя цэны для розных краін, што дае магчымасьць набыць Supporter па больш нізкай, чым раней, цане.

Многія сумняваліся, ці зможам мы перасягнуць наш першакрасавіцкі жарт зь мячамі. Суддзі, якія зьявіліся ў гульні, былі даволі прыстойнай спробай. Акрамя таго, запрашаючы сяброў у гульню, вы атрымалі магчымасьць зарабляць прызавыя балы.

Сэзон 50 (1 кастрычніка 2012)

Графікі рэйтынгаў значна паляпшаюць выгляд новых дэталёвых пасьляматчавых рэйтынгаў. Паядынкі даюць магчымасьць выклікаць любую каманду і згуляць яшчэ больш матчаў за афіцыйным календаром.

Наш пакет Supporter атрымаў буйное абнаўленьне, зьявіліся пэрспэктыўныя трансфэры, клюбныя тэмы і рэдактар ​​клюбнага лягатыпу. Акрамя таго, частка старых функцый Supporter стала агульнадаступнай.

Аўтаматычныя стаўкі далі магчымасьць мэнэджэрам заставацца ў ложку, замест таго, каб праводзіць салодкія імгненьні ночы ў спаборніцтве за жаданага гульца на трансфэрным рынку. З дапамогай сьцяны прапаноў мы прапанавалі магчымасьць зарабіць прызавыя балы і атрымаць Supporter і Крэдыты, не марнуючы сапраўдных грошай.

Сэзон 49 (11 чэрвеня 2012)

Наш новы цэнтар вярбоўкі цяпер дапамагае вам проста і лёгка запрасіць вашых сяброў у Hattrick. Разам з Hattrick Press мы арганізавалі Пісьмовыя спаборніцтвы, дзе вы маглі напісаць ўласны артыкул аб сваёй кар'еры ў Hattrick. Новая Ліцэнзія Мэнэджэра замяняе старую - як адзін з этапаў ўдасканаленьня гульні для большага задавальненьня карыстальнікаў.

Паколькі роўна 15 гадоў таму сьвет ўпершыню ўбачыў Hattrick, мы сьвяткуем гэта укараненнем новай, значна больш інфарматыўнай сыстэмай рэйтынгаў. Таксама запушчаны нашау Сьвяточная старонку, дзе мы дзелімся цікавымі фактамі пра нашыя першыя 15 гадоў.

Нашыя карыстальнікі смартфонаў могуць таксама атрымліваць асалоду ад Hattrick з дапамогай нашай афіцыйнай праграмы для Android, якая мае тыя ж магчымасьці, што і праграма для iPhone.

Сэзон 48 (20 лютага 2012)

Вы можаце запрасіць больш сяброў да ўласнай лігі, калі гуляеце ў двух ніжніх дывізіёнах. У новых турнірах Hattrick вы атрымліваеце магчымасьць гуляць зь любымі камандамі без усякай рызыкі атрымаць траўму або картку, якія маглі дрэнны паўплываць на звычайныя матчы.

Вельмі значная вяха ў нашай гісторыі была ўсталяваная, калі Hattrick далучыўся да Zattika, выдаўца гульняў, які спэцыялізуецца на сацыяльных і мабільных праектах.

Цяпер у інтэрфейсе загадаў на матч вашыя гульцы апранутыя ва ўласную форму, і ўкаранёны спэцыяльныя пазнакі для гульцоў, якія ўжо гулялі ў матчы з моманту апошняй трэніроўкі. Але і гэта яшчэ ня ўсё: мы таксама выпускаем нашу афіцыйную праграму Hattrick для iPhone, таксама з гэтага часу становіцца магчыма увайсьці ў Hattrick з дапамогай Facebook.

Сэзон 47 (31 кастрычніка 2011)

Адданасьць гульцоў, якія знаходзіліся ў вашай камандзе на працягу доўгага пэрыяду часу, з гэтага моманту станоўча ўплывала на іх выступы. Былі ўведзены Hattrick Gears і аднаразовыя платныя паслугі, такія як, напрыклад, зьмяненьне зьнешняга выгляду. Акрамя таго, мы дадалі статыстыку на сайт, якую можна назваць больш тонкай рэалізацыяй Alltid.org. Hattrick Press атрымаў уласны блог на Hattrick United, фэдэрацыі таксама атрымалі магчымасьць адкрываць уласныя блогі.

Мы ўражаныя тым фактам, што нас абралі найбольш папулярнай гульнёй-сымулятарам 2011!

Сэзон 46 (11 ліпеня 2011)

Форма выдачы загадаў на матч ўдасканалена магчымасьцю прадказаньня рэйтынгаў каманды і вылучэньнем ідэальнай пазыцыі гульца. Пачаткоўцы зараз могуць спытаць свайго трэнэра па яго варыянту размяшчэньня. Таксама становіцца магчымым для двух гульцоў на поле абмяняцца гульнявымі пазіцыямі.

Усе карыстальнікі атрымліваюць доступ да простай справаздачы трэнэра. Supporter'ы атрымліваюць больш разгорнутую справаздачу аб трэніроўках, уключаючы зьмены трываласьці і формы гульцоў, а таксама графікі наведваньня стадыёна і разьвіцьця фан-клюба. Таксама стала магчымым аддаць загады на матч з дапамогай праграм CHPP.

Сэзон 45 (21 сакавіка 2011)

Шмат чаго здарылася ў Hattrick у гэтым сэзоне. Напэўна, галоўнае новаўвядзеньне - гэта "Мой офіс", новая стартавая старонка для ўсіх мэнэджэраў. Акрамя гэтага, адбыліся тры вялікія прэзэнтацыі: Hattrick United (партал блёгаў), Hattrick Widgets (віджэты стала пасяліліся ўжо амаль паўсюдна) і Hattrick Open (для турніраў з сябрамі ў любы час).

Hattrick Supporter сьвяткуе сваё 10-годдзе з партрэтамі мэнэджэраў, якія можна карэктаваць; прэс-анонсамі, на якія можна зрабіць спасылку; новым фонавым малюнкам і удасканаленым сьпісам гарачых трансфэраў.

Камэрун, Узбэкістан, Куба і Палестына робяцца новымі чальцамі сям'і Hattrick, выходзіць ісляндская вэрсыя сайта.

Сэзон 44 (29 лістапада 2010)

Праз шмат год чаканьня Hattrick нарэшце займеў арабскую моўную версію. Пакет Supporter папоўніўся функцыяй "жывых табліц" падчас матчаў, кнопачкамі "мне падабаецца" і каментарамі пад прэс-рэлізамі, фотаздымкамі каманды. А таксама функцыя перадматчавых заяў стала даступнай для ўсіх. Ну і з'явілася магчымасьць дамаўляцца на таварыскія сустрэчы праз Facebook.

З гульні зьнікла агульная трэніроўка (трэніроўка формы).

Сэзон 43 (9 жніўня 2010)

У гэтым сэзоне Hattrick афіцыйна стаў падлеткам. Цудоўны ўзрост! Галоўнай навіной сэзону стала павелічэньне хуткасьці трэніровак на нізкіх узроўнях здольнасьцей - і замаруджваньне на высокіх. У той жа час пагаршэньне здольнасьцей стала больш залежыць ад іх узроўню і менш - ад узросту. Адбыліся зьмяненьні ў пэрсанале: трэнер брамнікаў стаў адным са звычайных асістэнтаў трэнера, эканамісты звольненыя, а максымальная колькасьць спэцыялістаў стала 30 (і 10 кожнай спэцыялізацыі).

Рухавік матчаў стаў лепш адлюстроўваць падзеі недаацэнкі і разгубленасьці, спэцыяльныя падзеі цяпер падзяляюцца паміж камандамі ў залежнасьці ад працэнту валоданьня мячом. Прарыў у медыцыне дазволіў пакласьці канец працяглым траўмам. Цяпер гульцы выбываюць з гульні ня больш, чым на 4 тыдні.

Мы таксама палепшылі расклад матчаў лігі дзякуючы карыстальніку jimrtex з яго новай сыстэмай. Акром таго, уведзеная бэта-вэрсія пошуку па форуме, а распрацоўнікі гульні распачалі свой блёг.

Сэзон 42 (19 красавіка 2010)

Упершыню мы атрымалі матчавы рухавік, не заснаваны на схеме 4-4-2. Новы рухавік можа падтрымліваць любую схему без патрэбы зьмяняць пазыцыі гульцоў, што робіць яго больш зручным. Яшчэ адна перавага новага рухавіка - зьмяншэньне ўкладу цэнтральных паўабаронцаў.

Старонка фінансаў значна абнавілася, стала больш дэталёвай і цяпер утрымоўвае падсумаваньне за сэзон. Supporter'ы таксама маюць доступ да графікаў, якія яшчэ лепш дазваляюць асэнсаваць фінансавыя тэндэнцыі. Hattrick таксама запусьціў партнэрскую праграму з Італійскай спартовай газетай Gazzetta dello sport.

Сэзон 41 (28 сьнежня 2009)

Перад пачаткам гэтага сэзону ўсе каманды-боты пачынаючы з шостага дывізіёну і ніжэй апусціліся ў ніжэйшыя дывізіёны, а каманды з жывымі ўладальнікамі атрымалі дадатковыя слоты для падвышэньня. Крыху зьмяніўся балянс у матчавым рухавіку, цяпер шанцы на спецыяльныя падзеі не залежаць ад уладаньня мячом.

Мальтыйская мова стала 50-ай афіцыйнай мовай Hattrick, а нашая старонка сыстэмнай інфармацыі стала больш прасунутай і інфарматыўнай. HFA запрасіла на працу новых камэнтатараў, якія ніколі не спазьняюцца на матчы, а ў канцы сэзону мы пачалі тэставаньне новай формы загадаў на матч, спачатку на юнацкіх камандах, а потым і на дарослых.

Сэзон 40 (7 верасьня 2009)

40 сэзон быў дастаткова ціхі, без сур'ёзных зьмяненьняў. З новага з'явіўся ўласная старонка Hattrick на сайце Facebook, а таксама спэцыяльная Facebook-аплікацыя. Пашырыўся сьпіс дасягненьняў. З'явілася функцыя, дзякуючы якой кожны можа пазначыць свае ўлюблёныя каманды з рэальнага футболу.

Сэзон 39 (17 мая 2009)

Уплыў упэўненасьці ў матчавым рухавіку быў зьніжаны, што крыху палегчыла працу абаронцаў і брамніка. У той жа час матчавыя рэйтынгі сталі больш дакладнымі, сталі цалкам адлюстроўваць эфект упэўненасьці, разгубленасьці і ўходу ў абарону.

HT Live быў сур'ёзна дапрацаваны, зьявілася новая функцыя Re-Live, якая дазваляе глядзець матчы ў запісу. Дзве новыя мовы, Віетнамская і Македонская, з'явіліся ў гульні. Увядзеньне македонскай мовы прывяло да з'яўленьня рэальнага канфлікту паміж Грэцыяй і Македоніяй у сьвеце Hattrick, канфлікт выліўся ў доўгія і зацятыя спрэчкі на форумах.

Сэзон 38 (25 студзеня 2009)

Пачынаючы з гэтага сэзону заплянаваныя замены дасяжныя ва ўсіх матчах. Таксама з'явілася новая тактыка - удары здалёк.

Таксама быў уведзены ліміт на трансфэрным рынку, каб абмежаваць празьмернае ўжываньне гандлю. Цяпер адначасова на трансфэры можа быць ня больш за 50 гульцоў. Такое ж абмежаваньне - 50 гульцоў - уведзена і на памер каманды.

Пакет паслуг Supporter папоўніўся функцыяй "тварам да твару", а таксама профілямі пошуку, стварэньнем уласных цэтлікаў,а таксама поўнай адсутнасьцю банэраў для Supporter'аў.

А, ну і не забудземся пра Лашарыка! 1 красавіка ён зьявіўся ў якасьці памагатага, які імкнуўся ўсім дапамагчы. Лашарык стаў першым афіцыйным першакрасавіцкім жартам, і шмат каму надзвычай спадабаўся.

Сэзон 37 (5 кастрычніка 2008)

Новы дызайн Hattrick убачыў сьвятло ў сярэдзіне сьнежня, і гэта, без сумневу, самае прыкметная зьмена за апошні час. Разам з новым дызайнам з'явілася шмат новага, да прыкладу, абсалютна новы форум і новыя выявы гульцоў. Уладальнікі Supporter таксама цяпер могуць стварыць сабе ўнікальную форму і абраць сабе аватар.

Паколькі новы дызайн з'яўляўся такім значным новаўвядзеньнем, некаторыя маглі забыцца на астатнія навінкі сэзону. Але на з'яўленьне таварыскай суполкі забыцца складана, як і на тое, што цяпер карыстальнікі ніжэйшых ліг могуць запрашаць сяброў гуляць у сваю лігу.

Таксама зьменены пошук трансфэраў, цяпер няма патрэбы прагледжваць асобна кожную зону. У рухавік гульні дададзеныя свабодныя ўдары, а beltxis стаў першым у гісторыі клюбам, які заваяваў Hattrick Masters двойчы.

Сэзон 36 (15 чэрвеня 2008)

Hattrick Press, наша ўласнае, ствараемае карыстальнікамі выданьне, пабачыла сьвет, а ўнутраны паштовы сэрвіс атрымаў павышаную функцыянальнасць. Непрамыя стандартныя становішчы сталі рэальнасьцю ў таварыскіх матчах, а напад па флангах стаў больш эфэктыўным, дзякуючы выпраўленьню памылкі. Асабістыя загады дазволілі выключыць гульца з трэніроўкі навыкаў, але стала немагчымым выкарыстаньне абедзьвюх моладзевых сыстэм адначасова.

Uganda і Dhivehi Raajje далучыліся да Hattrick. Размеркаваньне новых камандаў па лігам зьмененае, каб дадаць цікавасьці спаборніцтвам паміж людзьмі, новыя каманды не трапляюць у лігі самотнымі, без іншых кіраваных людзьмі камандамі. Мы таксама запусьцілі тэставы сайт Stage для 5000 звычайных карыстальнікаў Hattrick’у, і атрымалі 45-ю моўную вэрсыю - на Фурланскай мове.

Сэзон 35 (24 лютага 2008)

Новы рухавік матчаў зараз выкарыстоўваецца ва ўсіх сустрэчах. Трэніроўка цяпер грунтуецца на хвілінах (раней яна толькі залежала ад апошняй згулянай пазыцыі) і стандарты цяпер працуюць як і іншыя навыкі гульцоў (раней усе гульцы ў складзе атрымлівалі трэніроўкі стандартаў і гэты навык не ўплываў на заробак). Чаканьне заўзятараў - што чакаюць заўзятары ад кожнага матчу - запушчана і імгненна пачынае ўплываць на жыцьцё мэнэджэраў. Цэны на квіткі на месцы пад дахам павялічаны і больш такіх квіткоў прадаецца ў пахмурнае і дажджлівае надвор'е. Больш за тое, каманда-гаспадар дэрбі пачынае атрымліваць невялікую перавагу, чаго не было ў папярэднія сэзоны.

Зьявілася "Матч сэзону" - настольная гульня па матывах Hattrick. Зьявілася новая мова - Басьнійская, а таксама дадаліся лігі Танзаніі і Катара.

У канцы сэзону вы можаце пачаць тэставаньне заплянаваных замен у моладзевай акадэміі.

Сэзон 34 (4 лістапада 2007)

Больш за 75 000 карыстальнікаў адначасова онлайн ў Студзені. Трэніроўка становіцца хутчэй на нізкіх узроўнях навыкаў, але павольней на высокіх узроўнях. Таксама падзеньне навыкаў зараз залежыць ня толькі ад узросту, але і ад ўзроўню навыкаў. У таварыскіх гульнях уведзены новы матчавы рухавік (з новымі залежнасьцямі ўкладу ў гульню ад навыкаў гульца і уплывам трываласьці на ўсе пазыцыі), яго мэта - павысіць значнасьць універсальных гульцоў.

Моладзевыя акадэміі атрымліваюць шмат паляпшэньняў; павялічаны навыкі гульцоў, падвышаная хуткасьць трэніровак, зафіксаваныя ўзроўні формы і трываласьці, лепшая інфармацыя ад трэнэраў і скаўтаў.

Ліст рассылкі "Навіны Hattrick’у" упершыню дасланы адрасатам. Запушчана вэрсія інтэрфейсу на пэрсіцкай мове, а Benin і Syria - новыя краіны гэтага сэзону.

Сэзон 33 (15 Ліпеня 2007)

Hattrick сьвяткуе 10-годзьдзе зьяўленьнем прылады Календар, даданьнем магчымасьці запрашаць і новым праглядальнікам матчаў з убудаваным чатам. Пазьней мы дадалі Рэйтынг Лягатыпаў і Supporters атрымалі больш наладаў для закладак. Гана, Мазамбік, Кампучыя і Бруней алучыліся да сям'і Hattrick'у, і былі дадзены Фрызійская і Люксембургская моўныя версыі.

На трэніроўку трываласьці цяпер ідзе нейкі адсотак часу ад ўсёй трэніроўкі, наўзамен ранейшай асобнай трэніроўкі, як ў выпадку астатніх здольнасьцяў. На пачатку сэзону адбылася рэформа эканомікі, якая ўключала ў сябе зьніжэньне заробкаў і коштаў будаўніцтва, а таксама павялічаны прыбытак ад фундатараў і ад продажу квіткоў, як першы крок да вяртаньня эканомікі ў слушны кірунак. Напрыканцы сэзону кошты на гульцоў заўважна ўзьняліся на трансфэрным рынку, і прыйшоў канец шматгадоваму падзеньню цэнаў.

32-і сэзон (25 Красавіка 2007)

Дадана найбуйнейшая новая магчымасьць: Юнацкія акадэміі - гульня ў гульні, дзе вы кіруеце ўласнай юнацкай камандай і трэніруеце будучых зорак. Праз месяц пасьля рэалізацыі праекту ў Хэтрыку ўжо 500 000 юнацкіх камандаў. Hattrick атрымаў новы сучасны выгляд, і карыстальнікі цяпер маюць магчымасьць падаць заяву на разгляд старэйшых Гэймайстраў (лідэраў арганізацыі ГМаў) свайго пытаньня, якое было вырашана простымі ГМамі.

Supporters атрымалі пашыраную сыстэму справаздачаў для сваіх юнацкіх камандаў, камэнтары трэнэра таксама бачныя на старонцы гульцоў.  Напрыканцы сэзону ўсе гульцы атрымалі ўласныя дні народзінаў, дагэтуль узрост усіх гульцоў зьмняўся на пачатку сэзону.

31-ы сэзон (3 Сьнежня 2006)

Альтэрнатыўная магчымасьць для кар'еры, Дасягненьні, была дадзена гульцам. Прыбытак ад фундатараў павялічаны, а выплаты агентам - зьменшаныя разам з узроўнем прыбытковасьці ад укладаў у банк.

Набор для supporter'аў павялічаны праз больш падрабязную статыстыку па сустрэча. Дадаліся лігі Аману і Йемену, а з даданьнем Беларускай і мовы Баскаў у хэтрык можна гуляць на 40 мовах сусьвету.

30-ы сэзон (13 Жніўня 2006)

Мяжа ў 900 000 карыстальнікаў адолена. Трываласьць таксама пачала зьмяншацца падчас сэзону і гульцы цяпер страчваюць здольнасьці з сталеньнем у меншых памерах, але часьцей.  Цяпер магчыма ўзьняць упэўненасьць вышэй за цудоўную (wonderful), а гульцы могуць мець неіснуючы ўзровень здольнасьцяў. Нацыянальныя каманды атрымалі набор графічных магчымасьцяў, а Hattrick Masters цяпер доўжыцца 4 тыдні.

Трэцяя гішпанамоўная версыя (Цэнтральнаамерыканская) і кіргізская запушчаныя, а таксама дададзена чатыры новыя лігі: Кувэйт, Ангола, Бангладэш і Чарнагорыя.

29-ы сэзон (23 Красавіка 2006)

Больш за 800 000 актыўных карыстальнікаў гуляюць у Hattrick. Мы атрымалі новы выгляд і зручную старонку загадаў, зробленую ў Flash. Вы пачалі аплочваць заробак гульца з першага яго тыдня ў камандзе, а матчавыя справаздачы ўтрымліваюць больш варыянтаў падзей.

Supporter атрымалі вялікі набор паляпшэньняў, у які, напрыклад, увайшлі заля гонару, набор дызайнера, павялічаны сьпіс сяброў і трэнэрскія справаздачы. Больш таго, сапорцерам таксама пачалі кампенсаваць той час, калі былі незаплянаваныя спыненьні сэрвераў. Азэрбайджан і Ірак увайшлі ў сьвет Hattrick'у. Таксама было зладжанае глябальнае апытаньне наконт гульні і атрымана 200 000 адказаў – фантастычна!

28-ы сэзон (1 Студзеня 2006)

Паміж 27 і 28 сэзонамі каманды без уладальнікаў, якія раней заставаліся некранутымі і ў матчах зь якімі фіксаваліся тэхнічныя перамогі суперніка, пакуль яны не дасягалі другога зьнізу дывізіёну, дзе замяняліся на новыя, цяпер робяцца bot-камандамі. Яшчэ адзін крок у гэтай "рэформе лігаў" быў зроблены напрыканцы сэзону, калі сыстэма дывізіёнаў атрымала выгляд піраміды (чым ніжэй дывізіён тым болей серый), замест бутэлькі і ўсе каманды-боты былі пасунуты ўніз піраміды.

У выніку каманды-боты хутчэй дасягаюць нізу для замены, замест шматсэзоннай затрымцы ў сярэдзіне.

Упершыню адбыўся Hattrick Masters і атрымаў чэмпіёна з Францыі: FC Barentin. Cartoon United, комікс прa Hattrick, упершыню зьявіўся на сайце і Hattrick таксама зрабіўся спонсарам некаторых рэальна існуючых футбольных каманд Хэттрыкаўцаў. Мы таксама атрымалі чатыры новых сябра: Бахрэйн, Барбадос, Капавердэ і Côte d’Ivoire.

27-ы сэзон (11 Верасьня 2005)

Толькі за сэзон 100 000 новых карыстальнікаў далучыліся да Hattrick'у і цяпер тут болей за 700 000 актыўных удзельнікаў. Ліцэнзаваньне мэнэджэра, для прасьцейшага ўваходу ў гульню прадстаўлена. Прадстаўлена новая тактыка - гуляць творча, разам з магчымасьцю даць загад форвардам "да флангаў" і новым тыпам трэніровак “флангавыя атакі”. У той жа час нападаючыя пачалі рабіць меншы ўнёсак, а вінгеры - большы, у атаку па флангах.

Прадстаўлены рэйтынг лігі, а дызайнэр стадыёна, дзе вы можаце спраектаваць свой уласны стадыён, зьяўляецца новай функцыяй Supporter. Мабільныя сэрвісы зроблены інтэрактыўнымі, што дазваляе разьмяшчаць прапановы за гульца на трансфэры, напрыклад, праз ваш мабільны тэлефон.

Algérie, Hayastan, Lubnan, Liechtenstein, Mongol Uls і Sénégal былі новымі лігамі ў гэтым сэзоне, і новыя мовы - гэта Карэйская, Японская і Славенская. Да таго ж Hattrick атрымаў уласную вікапедыю.

26-ы сэзон (22 Траўня 2005)

Колькасьць актыўных карыстальнікаў складае цяпер болей 600 000 чалавек. Сурынам, Нікарагуа, Трынідад & Табаго і Казахстан далучыліся да Hattrick'у, таксама дададзены Сэрбская, Нарвэская й Славацкая мовы. Supporter атырмалі абнаўленьне статыстыцы па закладкам і рэгіянальным канфэрэнцыям.

25-ы сэзон (30 Студзеня 2005)

Упершыню ў гісторыі хэттрыку Швэцыя тут больш не найбуйнешая краіна, бо і Гішпанія і Галяндыя маюць цяпер болей актыўных карыстальнікаў з камандамі. Два новых тыпу трэніровак магчыма цяпер выкарыстоўваць, пранікаючыя пасы і зонавая абарона, а трэніроўка нападзеньня эфектыўней на 25%. Зьмены ў формуле падліку гледачоў робяць меншыя зьмены ў лічбах наведаўшых стадыён, бо настрой supporter'аў цяпер менш важны.

“Апошнія навіны” вярнуліся для кожнай сэрыі пасьля 14 сэзонаў, яны зьніклі, калі Hattrick атрымаў новы выгляд у 11 сэзоне. Al Urdun, Андорра, Грузія й Гуатэмала далучыліся, а Galician зрабіўся мовай нумар 30. FC Hong Kong ўпэўнілі ў адоленьні новага рэкорду, бо гэта быў першы клюб, у якога было болей за 100 мільёнаў € на рахунку.

24-ы сэзон (10 Кастрычніка 2004)

Колькасьць карыстальнікаў дасягнула 500.000 і адсьвяткавана камічным малюнкам сьвету Hattrick'у, які выклікаў хваляваньні ў Бразылі, бо малпа (замененая праз некалькі дзён) была разьмешчана на гэтай частцы сьвету. Вялікая навіна - у новым фармаце Кубку можа ўдзельнічаць 32768 клюбаў, у паўнаньні з ранейшымі 8192. Кошты на квіткі й прыбытак ад фундатараў павялічаны на 10%, а бонусы за месцы ў дывізіёне падвоены. Чэская мова прадстаўлена разам з шасьцю новымі лігамі: Сальвадор, Гандурас, Кыргызстан, Мальта, Малдова й Грузія.

Версыя коміксаў без малпаў.

23-і сэзон (20 Чэрвеня 2004)

У Hattrick гуляе 400.000 карыстальнікаў, а адначасова анлайн бывае 25.000 чалавек. Каб зьменшыць важкасьць фэнамену ‘daytrading’ выдаткі й прыбыткі ад трансфэраў зьменены, каб было менш прывабна набываць і прадаваць на наступны дзень гульца. Параўнаньне кошту трансфэраў і Агульны Індэкс Здольнасьцяў (TSI) для ўсіх гульцоў (на замену так званаму “рыначнаму кошту”) - гэта іншыя спосабы для павелічэньня агульных ведаў аб вартасьці гульца на рынку.

Заробкі гульцоў зьменены такім чынам, каб другасныя здольнасьці нашмат меней уплывалі на заробкі, заўзятары каманды сталі яшчэ вумней, усе каманды могуць з'арганізаваць контаратакі, а ўплыў выпадковасьці на атаку й абарону каманды зьменшаны. Рэйтынгі камандаў зьменшаны напалову, і цяпер паведамляюцца як вельмі нізкі, нізкі, высокі й вельмі высокі для ўсіх узроўняў.

Новыя лігі ў гэтым сэзоне - Северная Ірляндыя, Беларусь, Македонія, Кенія, Панама і Ямайка, а Харвацкая, Габрэйская, Руская і Ўкраінская мовы дададзены. Hattrick Clubhouse гэта новы прэміюм сэрвіс, а Supporter атрымалі новыя абнаўленьні, большасьць зь якіх зьвязаныя з канфэрэнцыямі.

22-і сэзон (29 Лютага 2004)

Саўдаўская Аравія, Туніс, Коста-рыка, Аб'яднаныя Арабскія Эміраты, Люксембург, Іран, Дамініканская рэспубліка і Кіпр - новыя сябры гульні, а Вянгерская, Латыская й Аргентынская (пазьней Южна-Амерыканская) Гішпанская і Балгарская - новыя моўныя версыі.

21-ы сэзон (9 Лістапада 2003)

Hattrick дасягнуў 250.000 актыўных карыстальнікаў! Шэсьць лігаў (Парагвай, Экуадор, Балівія, Нігерыя, Алжыр, Фарэры), а таксама шэсьць моўных версый (Фламандская, Турэцкая, Бразільская Партугальская, Румынская, Грэцкая, Літоўская) дададзены і HT Live гэта новая цікавая "фіча".

Прыбытак ад гледачоў павялічаны на 25% і мы атрымалі новы фармат Кубку Сьвету. Першы Календар Hattrick'у маецца ў продажу ў Краме, і магчыма рабіць стаўкі на матчы Hattrick'у праз нашага партнэра ў стаўках. Швэцкае дамінаваньне на поле назаўсёды пастаўлена пад пытаньне, калі Нарвегія перамагае ў Кубку Сьвету.

20-ы сэзон (20 Ліпеня 2003)

Тактыкі на матч былі прадстаўлены ў гульне, але імі можна было карыстацца толькі ў таварыскіх сустрэчах гэтага сэзону, а яшчэ досьвед гульцоў пачаў уплываць на іх выступ. Старая сыстэма зьмены трэнэру, калі вы выплачвалі 10.000€ і атрымлівалі выпадковага трэнэра, была заменена. Цяпер вы можаце перавесьці свайго ўласнага гульца ў трэнэры ці заплаціць за найм такога трэнэра, здольнасьці якога вас задаволяць.

Шэсьць лігаў (Літва, Славакія, Украіна, Босьнія й Херцеговіна, Вьетнам і Пакістан) і тры мовы (Польская, Партугальская і Каталёнская) былі дададзены. Supporter'ы атрымалі большы выбар цішотак на матч, больш статыстыкі і некаторыя магчымамсьці ў канфэрэнцыі, і партнэрская праграма CHPP памянялася такім чынам, каб дазволіць больш партнэраў, але прылады больш немагчыма набываць у краме.

Румынія была першай камандай, якая перамагла нацянальную каманду Швэцыі ў афіцыйным матчы (U20 WC) і яна ж перамагла ў Моладзевым Кубку Сьвета гэтага сэзона.

19-ы сэзон (30 Сакавіка 2003)

Колькасьць актыўных карыстальнікаў пераўзыйшла чароўную лібчу 100 000. Старонка навінаў суполкі заняла сваё месца для прадстаўленьня сваіх артыкулаў на сайце, і падтрымка камандаў зрабілася трохі вумнейшымі, бо яна пачалі заўважаць у якой лізе вы гуляеце.

Была дададзена магчымасьць карыстацца ў інтэрфейсе фінскай мовай у гэтым сэзоне.

18-ы сэзон (8 Сьнежня 2002)

Тры новыя моўныя версыі (Эстонская, Італьянская і Дацкая) былі прадстаўлены разам з чатырма новымі лігамі (Балгарыя, Уэльс, Ізраіль і Славенія). Было зроблена лягчэй палепшыць досьвед нейкай тактычнай пабудовы і цяжэй страціць гэты вопыт.

Кампенсацыі за гульцоў зборнай зьменены, вы болей не атрымліваеце трэніровак за гульню за зборную, але HFA усё яшчэ выплачвае 1/3 заробку, калі гулец гуляе за зборную сваёй краіны.

Набор Supporter'а павялічаны пры дапамозе нагадваньняў і адсутнасьці перазагрузкі рэклямных банэраў – вельмі добра прынятай магчымасьці. Прыдомак LA прадстаўлены для ідэнтыфікаваньня моўных адміністратараў.

17-ы сэзон (18 Жніўня 2002)

17 сэзон быў аб'яўлены юбілейным, бо Hattrick'у споўнілася 5 год. У гэты час у Хэттрык гуляла каля 60.000 людзей.  Мы дадалі пяць новых узроўняў (тытанічна, незямны, мітычна, чароўна, утапічна) да папярэдніх 15, дзьве новыя лігі (Ганконг і кітайскі Тайпей) і галяндскамоўную версыю інтэрфейсу.

Дрэвападобная сыстэма форумаў была скасаваная і замененаная новай сыстэмай канфэрэнцый, разам з сыстэмай хуткага прагляду. На каманды лад пачалі ўплываць трансфэрныя пераходы, а Supporter'ы атрымалі болей статыстыкі, нататнік і ліст рассылкі для федэрацый. Прыдомак Mod таксама тады пабачыў сьвет, каб было прасьцей ідэнтыфікаваць мадэратараў канфэрэнцый.

16-ы сэзон (28 Красавіка 2002)

Венгрыя (Magyarország), Чэхія, Латвія, Інданэзія, Філіпіны, Эстонія, Грэцыя, Харватыя й Югаславія, якая пазьней зрабілася Сэрбіяй й Чарнагорыяй і, нарэшце, Сэрбіяй далучыліся да сям'і Hattrick'у. Мабільныя службы цяпер даступныя ўсім карыстальнікам, а твары гульцоў і закладкі - дадатак да набору саппорцера. Тыя мэнэджэры, якія цікавіліся, як выглядае Bob Sunesson, засталіся недасьведчанымі, бо яго твар увесь час быў закрыты рознымі рэчамі.

Кубак сьвету меў асобную старонцу й выяву падчас першай сваёй версыі.

HFA вырашыла выплочваць 1/3 ад заробку нацыянальных гульцоў, пакуль яны гуляюць і за зборную й за сваю каманду. Швэцыя выйграла першы моладзевы (U20) кубку сьвету, чаму зноў ніхто не зьдзівіўся і першым гульцом, які атрымаў 10* быў Thomas Ranlind, швэцкі брамнік, які быў звольнены з гульні сваім швэцкім уладальнікам.

15-ы сэзон (6 Студзеня 2002)

Можна сказаць, што ўсё здарылася ў 15 сэзоне. Пачалося зь вялікага рэлізу новых магчымасьцяў, такіх як спецыяльные падзеі, міжнародныя таварыскія сустрэчы, дэрбі і нацыянальныя каманды – вельмі важная рэч для пабудовы суполкі.

Скончылася ж перамогай Швэцыі ў першым Кубку Сьвета (чаму ніхто не зьдзівіўся) і запускам вялікага пакету супраць эканамічнага крызісу, у які ўваходзілі зьніжэньне заробкаў гульцоў і выдаткаў на агентаў, прызамі за пераход вышэй, мяжой для прыбытка за грошы ў банку і грошамі для першага й апошняга клюбу.

Усе клюбы таксама атрымалі грошы за правы на тэлетрансляцыі пасярэдзіне сэзону, усё гэта дзеля барацьбы з тым фактам, што эканоміка не разьвівалася з той жа хуткасьцю, што й гульня.

Тады ж, пасярэдзіне сэзону, каманда HT вырасла з 3 да 9 чалавек, бо болей людзей было патрэбна для дапамогі ў распрацоўцы, адміністраваньні й г.д. Шэсьць новых сябраў дапамагалі ў якасьці валанцёраў, але праз некалькі год, амаль усе зь іх прыйшлі на працу ў Extralives. Даданьне нямецкай мовы прайшло на гэтым фоне амаль незаўважна.

14-ы сэзон (16 Верасьня 2001)

Hattrick нарэшце атрымаў уласную сыстэму форумаў, дрэвападобную, а суполка- больш зручнае месца для сустрэч і абмеркаваньняў. Гішпанская й Французская мовы запушчаны, і далучылася шэсьць новых лігаў: Сінгапур, Швайцарыя, Ісляндыя, Бельгія, Аўстрыя й Малайзія.

Абнавілася старонка трансфэраў, якая дала больш магчымасьцяў для пошуку, зрабіўшы магчымым шукаць па здольнасьцям. Іншая зьмена ў тым, што настрой каманды мяняецца па троху штодзённа, замест анаго вялікага абнаўленьня на тыдзень.

Першы мабільны сэрвіс, толькі для швэдаў, прадстаўлены і магчымасьці Supporter павялічаны дзякуючы нумарам на цішотках, гасьцявой кнігі і канфэрэнцыям федэрацый. CHPP (Certified Hattrick Product Provider), партнэрская праграма для незалежных распрацоўшчыкаў праграмаў для Hattrick'у, была таксама прадстаўлена. Зьявілася магчымасьць набываць прылады праз краму.

13-ы сэзон (27 Траўня 2001)

Hattrick Supporter прадстаўлены, прэміюм-сэрвіс, які пазьней апыныўся той рэччу, якая дапамагла Hattrick выжыць і працягваць распрацоўку.

За 15 SEK (прыблізна 1,5€) штомесяц вы атрымлівалі сьпіс сяброў, некаторую ўласную статыстыку і інфу, якая зьмянялася на банеры зьверху. Больш важна тое, што Supporter быў зручным сродкам для падтрымкі гульні. Праз два месяцы ён быў пашыраны праз: давзол на абраньне колеру цішотак, наяўнасьць палічкі прызоў, паведамленьні для прэсы, выявы, фэдэрацыі і больш статыстыцы.

Ажно 23 новыя лігі было прадстаўлена: Акеанія, Гішпанія, Партугалія, Польшча, Румынія, Чылі, Бразілія, Турэччына, Калюмбія, Пэру, Кітай, Уругвай, Венесуэла, Канада, Расія, Тайланд, Шатляндыя, Ірляндыя, Японія, Ганконг, Ягіпет, Індыя і Южная Афрыка.

Выбітная гульня Bob Sunesson’а была заўважана HFA (Футбольнай Асацыяцыяй Hattrick'у), і зьмянілі апісаньне яго характару на “усеагульны фаварыт” - адно з вялікодных яек гульні.

12-ы сэзон (4 Лютага 2001)

З гэтага сэзону вы застаецеся ў той жа лізе, калі не падымаецеся вышэй ці ніжэй, замест ранейшай сыстэмы, калі каманды з аднаго дывізіёну выпадкова разьмяркоўваліся па сэрыям кожны сэзон.

Прывабная зялёная цішотка Hattrick прадстаўлена - гэта першая рэч, якую можна набыць у краме.  4 новыя лігі былі дададзеныя да сьвету Hattrick: Нарвегія, Данія, Фінляндыя й Галяндыя.

11-ы сэзон (15 Кастрычніка 2000) Пасьля месячнага перапынку Hattrick вярнуўся цалкам перапрацаваным - з новым выглядам і вялікім наборам новых магчымасьцяў. Hattrick цяпер даступны ня толькі на швэцкім - з'явіўся Ангельскі пераклад і дададзена 7 новых лігаў: Аргентына, Нямеччына, Францыя, Ангельшчына, Італія, Гішпанія (якая потым зрабілася Мексыкай) і ЗША. Швэцкая ліга павялічана да 10920 клюбаў, якія вельмі хутка атрымалі ўладальнікаў.
Альтэрнатыўная выява, датаваная Кастрычнікам 2000, якая ніколі не была выкарыстана.	Акрамя новых лігаў найвялікшая навіна ў тым, што Hattrick заўсёды анлайн і ўсё адбываецца ўжывую – нават сустрэчы! Сыстэма рэйтынгаў таксама абнавілася, паловы й паўнавартасныя зоркі дададзены, а таксама тры новыя ўзроўні здольнасьцяў (сусьветная кляса, звышнатуральна і боска), зараз іх агулам 15.
Напрыканцы сэзону малады Bob Sunesson, увайшоў у Hattrick ува ўзросьце 22, і пазьней ён зробіцца найбольш вядомым гульцом у гульні, ня гледзячы на найлепшую здольнасьць "дрэнна" на фланзе.

10-ы сэзон (4 Чэрвеня 2000)

Гэты сэзон застанецца ў памяці як апошні з настальгічным выглядам.

9-ы сэзон (13 Лютага 2000)

8-ы сэзон (24 Кастрычніка 1999)

Напрыканцы сэзону, на пачатку 2000 году, была заснаваная кампанія-распрацоўшчык Хэттрыку - Extralives. Яна адразу пачала працаваць над значным абнаўленьнем. На хэттрыкаўскіх палях упершыню зьявілася каманда, якая зрабіла "дубль" - Sunne IK увайшла такім чынам у гісторыю.

7-ы сэзон (3 Ліпеня 1999)

Упершыню стала магчымым зьмяніць тактыку з 4-4-2 на нешта іншае, а таксама зьмяняць пазыцыю гульцоў.  У той жа час дадзена магчымасьць індывідуальных загадаў гульцам, што даслала старыя тактыкі ўсе-ў-атаку, аптымістычна, асьцярожна й звышабаронча ў сьметніцу.

6-ы сэзон (14 Сакавіка 1999)

Нічога асаблівага не здарылася ў гэтым сэзоне, згодна гістарычнаму летапісу.

5-ы сэзон (15 Лістапада 1998)

Калі й нешта незвычайнае здарылася ў гэты сэзон, то яно не патрапіла ў летапіс.

4-ты сэзон (26 Ліпеня 1998)

У гэтым сэзоне адбылася рэформа ў трэніроўках. Набор новых тыпаў трэніровак быў дадзены, што дало магчымасьць трэніраваць усе здольнасьці, а ня толькі трываласьць ды выкананьне стандартных становішчаў. Як дадатковы эфект новай сыстэмы трэніровак Per Emilsson, зламаў дах сыстэме рэйтынгаў і апынуўся адзіным гульцом, які атрымаў рэйтынг "Сьвяты" (які быў дададзен на выпадак неверагоднага здарэньня, насупраць усім магчымасьцям, што й адбылося).

З-за гэтага, сыстэма рэйтынгаў зьмянілася й знак клічніку быў дададзены пасьля максымальна магчымага рэйтынгу “*****”. Цалкам рэйтынгі выглядалі пасьля зьмены так : 0, H, HH, HHH, *, **, ***, ****, *****, *****!, *****!!, і г.д.

3-ці сэзон (5 Красавіка 1998)

Hattrick пашыраецца да 1704 камандаў, калі дадаўся div IV. Кубак быў прадстаўлены ў гэтым сэзоне, а таксама й таварыскія сустрэчы. Zakrock Rooch быў першым пераможцам у Кубку.

2-гі сэзон (23 Лістапада 1997)

Hattrick пашыраецца да 680 клюбаў ў 4-х дывізёнах (Allsvenskan, div I, II і III) і пераязжае на швэцкі партал passagen.se. Адкрытая сыстэма трансфэраў убачыла сьвет (раней можна было прапаноўваць грошы за любога гульца, і, калі ўладальнік прымаў прапанову, гулец мяняў клюб).

Быў згуляны першы матч паміж нацыянальнымі камандамі: Швэцыя - Данія 1-2. Данія - была клёнам Швэцыі, але шмат сэзонаў мінула, пакуль у Швэцыі зьявіўся шанец на матч-рэванш.

1-ы сэзон (30 Жніўня 1997)

Hattrick нарадзіўся 30 Жніўня 1997. Гульня была толькі на Швэцкай мове і пачалася з 16 клюбамі. Дзьве першыя сэрыі (A і B) праходзяць ў 7 кругоў. 4-4-2 - гэта адзіная даступная пабудова, а трэніраваць можна форму, трываласьць і стандартныя становішчы

Сайт зачыняецца кожную ноч у 00.30, каб зрабіць усе абнаўленьні, выканаць трансфэрныя пераходы і правесьці матчы. Вы можаце пабачыць вынікі матчаў, калі сайт зноў адчыняецца раніцай.

Арыгінальная настальгічная выява